VIDEO/ "Djalli më tha të vras tre persona", shoferi i marrosur godet gruan e moshuar, kthehet sërish për të moshuarin
Nga OraNews Përditësimi i fundit 12 Shkurt 2023, 13:58
Një video tronditëse ka kapur momentin kur një shofer me një makinë 4x4 godet qëllimisht një grua të moshuar dhe më pas kthehet për të shoqin.
E moshuara po lufton për jetën në Arizona të SHBA-ve , ndërsa bashkëshorti i saj ka dalë nga spitali me katër brinjë të thyera.
Çifti i moshuar kishin dalë për shëtitje në rrugë kur u sulmuan në mënyrë tronditëse.
Një shofer xhipi 4x4 , i cili ishte pas tyre, hipi në trotuar dhe goditi gruan me qëllim. Më pas ai është kthyer mbrapsht dhe ka goditur edhe burrin e saj, i cili ka nxituar për ta ndihmuar.
Gruaja fatkeqe mbetet në koma me hemorragji të rëndë në tru, ndërsa bashkëshorti i saj ka shpëtuar me katër brinjë të thyera.
Drejtuesi i xhipit u arrestua pak më pas dhe kur policia e pyeti pse e bëri një gjë të tillë, përgjigja e tij ishte tronditëse: “ Djalli më tha të vras tre persona ”.
Gruaja e sulmuesit dëshmoi se ai kishte vepruar në mënyrë të çuditshme në javën para sulmit dhe i tha policisë se kishte një problem me trurin e tij. Duket se ai vërtet po përballej me probleme serioze, pasi përdorte drogë.
