Ky është gabimi më i shpesht që bëjmë me ushqimin kur është ftohtë
Nga OraNews Përditësimi i fundit 6 Shkurt 2023, 19:43
Nutricionistia, Jola Kaca në emisionin "Jeto me Orën" në RTV Ora foli rreth të ushqyerit shëndetshëm në këto ditë të ftohta dimri.
Jola Kaca: Një nga gabimet më të shpeshta që bëjmë ditët e ftohta është kur konsumojmë gjëra me kalori të larta. Kemi pjesën e yndyrnave, karbohisrateve, mund të nashkalojmë edhe vaktet.
Çfarë nuk duhet të mungojë në shportën tonë të konsumit?
Jola Kaca: Frutat dhe perimet sezonale nuk duhet të mungojmë. Brokoli, lakrat, karota, kivi si dhe pjesa e qumështit me nënproduktet e tij janë shumë të rëndësishme për sistemin imunitar. Një ushqyerje e mirë do të na ndihmonte që të kalonim një grip me simptoma më të lehta.
Sa i përket ushqyerjes së fëmijëve ajo tha: Në mëngjes te fëmijët nuk duhet të mungojë veza, një got qumësht, djath, fruta e perime. Është një minivakt pas mëngjesi që mund të jetë frut, kos etj. Në drekë duhet të kemi gjithmonë ushqim me perime plus mishin. Mishin e preferojmë të jetë i zier ose i pjekur në furrë. Nuk duhet të mungojnë as sallatërat.
"Dhe për të rriturit do të jetë njësoj 3 vakte kryesore dhe 2 minivakte", tha ajo.
Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
