Zgjedhjet e 14 majit, KQZ fond 800 mln lekë për votimin elektronik në Vorë, Kamëz dhe Elbasan
Nga Ora News Përditësimi i fundit 1 Shkurt 2023, 10:51
Nga gjashtë bashki që KQZ kërkoi për votim elektronik, ku përfshiu dhe Tiranën, procesi do të realizohet në vetëm tre prej tyre. Me fondin e dhënë është llogaritur që Elbasani, Vora dhe Kamza të aplikojnë procesin kompjuterik nga ku edhe rezultati i 14 majit do të dalë menjëherë pas mbylljes së qendrave
Në tre bashki, Elbasan, Kamëz dhe në Vorë rezultati i votimeve të 14 majit do të shpallet brenda pak minutash nga mbyllja e qendrave.
Komisioni qendror i zgjedhjeve pasi ka marrë fondin prej 2 miliardë lekësh shtesë ka vendosur që të miratojë votimin dhe numërimin elektronik për votat e hedhura për kryetarët e bashkive dhe këshilltarët për 350 qendra të reja.
Vendimi është pranuar edhe nga përfaqësuesit e partive politike , edhe pse më herët ishte propozuar që kjo procedurë të ndiqen në të paktën 6 zona.
Tashmë komisioni do të duhet të vendosë se cilën nga dy grupimet e PD do të regjistrojë, atë të Sali Berishës që ka në dorë vendimin e shkallës së parë, apo atë të Alibeajt që ka në dorë regjistrimin në gjykatë.
