Grabisnin makina luksoze, goditet organizata kriminale në Greqi, në pranga një 42-vjeçar
Nga OraNews Përditësimi i fundit 14 Janar 2023, 16:38
Një organizatë kriminale që grabiste automjete në zona të ndryshme të Atikës është shkatërruar nga autoritetet në Greqi.
Mediat greke shkruajnë se janë zbardhur 8 raste të vjedhjeve dhe se një 42-vjeçar ka rënë në pranga.
Gjithashtu kanë identifikuar edhe dy anëtarë të kësaj organizate dhe janë shpallur në kërkim, bëhet fjalë për një 30 vjeçar dhe një 40-vjeçar.
Sipas informacioneve dhe hetimeve organizata kriminale e ka nisur aktivitetin të paktën dy vite më parë.
Pas kontrolleve në posedim të të akuzuarve, në shtëpi dhe në parkingje të ndryshme në Petroupol, Haidar dhe Ilion, janë gjetur dhe konfiskuar:
5 makina të vjedhura; 1 motoçikletë; motori i vjedhur; targa të vjedhura; 3 timon makine; një numër i madh i pjesëve dhe aksesorëve të makinave; 54 fishekë brenda një çantë shpine; shuma prej 260 euro dhe 4 celularë.
