Vuçiç pret këshilltarin e DASH: SHBA-ja të inkurajojë Kosovën që të përmbushë obligimet e saj
Nga OraNews Përditësimi i fundit 12 Janar 2023, 17:07
Presidenti i Republikës së Serbisë, Aleksandër Vuçiç, priti sot në një drekë pune, Derek Schole, këshilltar special në Departamentin e Shtetit, me të cilin diskutoi për situatën në Kosovë.
Po ashtu ai ka diskutuar për sigurinë energjetike, integrimin ekonomik rajonal dhe rolin e Serbia në ruajtjen e paqes dhe stabilitetit në rajon, si dhe në vazhdimin e dialogut nën patronazhin e BE-së me qëllim të normalizimit të marrëdhënieve me Kosovën.
Presidenti Vuçiç e njoftoi këshilltarin special Sole për zhvillimin e ngjarjeve në Kosovë duke theksuar se Serbia mbetet e përkushtuar ndaj politikës së paqes, stabilitetit, dialogut dhe një qëndrimi konstruktiv ndaj të gjitha çështjeve të hapura, por pa përmendur provokimet në veri dhe deklaratat e rënda ndaj Kosovës.
Presidenti në deklaratë shtoi se pret që SHBA-ja të të inkurajojë Kosovën që të përmbushë obligimet e saj në përputhje me marrëveshjet e pranuara dhe të nënshkruara, por edhe të vazhdojë dialogu.
“Këshilltari special Chola theksoi se Shtetet e Bashkuara do të mbështesin gjithmonë të gjitha përpjekjet e bëra për të ruajtur paqen dhe stabilitetin, duke theksuar se vendi i tij mbron për vendosjen e fokusit të agjendës drejt së cilës palët në dialog duhet të fokusohen në bisedimet për propozimin gjermano-francez për zgjidhjen e krizës Kosovë-Serbi”, - thuhet në njoftim.
Vizita e Chole në Beograd është pjesë e turneut të tij në Ballkanin Perëndimor, gjatë të cilit ai tashmë ka vizituar Shkupin dhe Prishtinën.
