“Aurela Gaçen e kam pasur idhull” Këngëtarja Xhoi Gremi pa filtra në “Jeto me Orën”
Nga OraNews Përditësimi i fundit 5 Janar 2023, 20:23
Këngëtarja, Xhoi Gremi në një intervistë në emisionin “Jeto me Orën” në RTV Ora tregoi rreth projekteve të saj muzikore si dhe foli për jetën e saj private.
Ju këndon të gjitha trevave por në veçanti e gjen veten në muzikën e jugut.
Ajo tregoi se idhulli i saj në fëmijëri ka qenë Aurela Gaçe.
Xhoi Gremi: Nuk e kam ndjerë lodhjen se jam vlerësuar dhe kur vlerësohesh nuk e ndjen lodhjen. Kënga më ka pëlqyer që e vogël. Aurela Gaçen e kam pasur idhull, dhe në shkollë kur këndonim këngët e saj këndonim. Mbështetësit e parë kanë qenë prindërit. Më vonë më kanë përkrahur dhe këngëtar të tjerë të cilëve ju jam mirënjohës. Në eventet familjare këngët e jugut kërkohen më tepër. Dhe vet ndihem më rehat te jugu.
Ajo nuk nguroi të fliste as për jetën e saj private ku tregon se e ka rritur e vetme djalin.
Xhoi Gremi: Jam rritur bashkë me djalin. Jam një nënë e lumtur. Gjithçka që kam është ai. Mundohem të jem gjithmonë pranë tij. Mendohem ti jap dhe anën e babait të nënës. Është e vështirë por ndihem e lumtur. Kur e rrit e vetme është e dyfishtë gjithçka. Më tepër e rris si shoqe. Besoj se djali ka marrë gjithçka nga unë edhe sjelljen edhe paraqitjen. Muzikën nuk e do fare, dhe kur këndoj unë ai më kërkon të pushojë. I pëlqen futbolli. Djali është motive i çdo dite.
Sa u përket projekteve të reja muzikore ajo u shpreh “Kam gati një këngë dasmash kolazh që do ta sjell shumë shpejt”.
Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
