Pritet të ekzekutohet sot për vrasje e përdhunim, transgjinorja rasti i parë i tillë në SHBA

Nga OraNews Përditësimi i fundit 3 Janar 2023, 15:57

Nëse apeli për mëshirë në minutën e fundit nuk pranohet, Amber McLaughlin do të jetë gruaja e parë transgjinore e parë që do të ekzekutohet në SHBA.

49-vjeçarja u dënua për vrasje të shkallës së parë në vitin 2006 pasi përdhunoi dhe vrau të dashurën e saj, 45-vjeçaren Beverly Guenther, tre vjet më parë në St Louis County, Missouri.

Edhe pse një seancë e re e dënimit u urdhërua në vitin 2016, dënimi u rivendos në 2021 dhe një datë është caktuar - e martë, 3 janar 2023.

Ajo do të ekzekutohet me injeksion vdekjeprurës brenda disa orësh, vetëm nëse kërkesa e minutës së fundit për mëshirë pranohet.

Peticioni i faljes, drejtuar Guvernatorit të Misurit, Mike Parson, detajon fëmijërinë abuzive me të cilën u përball McLaughlin, e cila e bëri atë të vuante nga probleme të shëndetit mendor dhe trauma.

Peticioni vazhdon të përshkruajë se si e dënuara vuajti nga efektet e ekspozimit të alkoolit të fetusit përpara se të braktisej nga prindërit e saj të lindjes dhe të vuante nga abuzimi, duke përfshirë fërkimin e feçeve në fytyrë dhe elektrifikimi nga babai i saj kujdestar.

Sipas Qendrës së Informacionit të Dënimit me Vdekje, nuk dihet asnjë rast i ekzekutimit të një të burgosuri transgjinor në Amerikë.

Edhe pse kërkesa e 49-vjeçares për mëshirë nuk lidhet me tranzicionin e saj, të cilin ajo e nisi pas hekurave në vitin 2018, avokati tha në një deklaratë të veçantë se shpreson që McLaughlin të mos bëhet 'e para'.

Për sa i përket aprovimit të aplikacionit, mbetet ende për t'u parë. Kelli Jones, një zëdhënëse për Parson,  tha se procesi i shqyrtimit për kërkesën është ende duke u zhvilluar.

Lidhur me arsyen pse McLaughlin është në dënim me vdekje, dokumentet e gjykatës tregojnë se Guenther kishte marrë një urdhër ndalimi kundër të burgosurës pasi ata ishin në një lidhje së bashku.

McLaughlin ndonjëherë fshihej brenda ndërtesës së saj të punës dhe policia do të duhej të shoqëronte Guenther në makinën e saj me raste.

49-vjeçari më vonë sulmoi seksualisht dhe goditi për vdekje Guenther-in, ndërsa policia u njoftua për krimin më 30 nëntor 2003, kur fqinjët e viktimës vunë re se ajo nuk kishte arritur të kthehej në shtëpi.