Gjendet çifti me të porsalindurin, 1 humbi jetën, 11 të zhdukur nga përmbytjet në Itali
Nga OraNews Përditësimi i fundit 26 Nëntor 2022, 21:52
Ishulli italian Ischia është në gjendje emergjence prej orës 5:00 të mëngjesit të sotëm ku një rrëshqitje e madhe dheu e gjunjëzoi Casamicciolën.
Një e re nga Lindja e martuar me një banor të ishullit vdiq, 11 persona vijojnë të jenë të zhdukur dhe 13 të tjerë janë plagosur. Por ka një përplasje për numrin e viktimave.
“Ka tetë të vdekur të konfirmuar”, deklaroi ministri Matteo Salvini ndërsa qeveria shpreh solidaritetin me popullsinë e prekur.
Por ministri Piantedosi dhe prefekti menjëherë pas njoftimit nuk konfirmuan numrin dhe praninë e të vdekurve.
Mes të zhdukurve, një familje e përbërë nga një burrë, grua dhe dy fëmijë; dhe një vajzë 25 vjeçare.
Çifti me të porsalindurin nga ana tjetër është gjetur dhe ndodhet në spital. Operacionet e shpëtimit janë të komplikuara nga moti i keq.
Shkëmbinjtë ranë nga mali, rrjedha përmbyti disa shtëpi dhe tërhoqi makinat në det.
10 ndërtesa u shembën. Ndihma po vjen edhe nga jashtë rajonit. “Situatë e ndërlikuar, ka shtëpi të shkulura nga rrëshqitja e dheut”, shpjegon komandanti i karabinierëve Tiziano Laganà.
Ministri Musumeci është në kontakt me prefekturën: “120 milimetra shi, rrëshqitje e madhe ka përfshirë shtëpitë”. Forca detare 11. Në vendngjarje që në orët e para të mëngjesit ndodhen zjarrfikësit, mbrojtja civile dhe karabinierët".
Meloni nga ana tjetër: "Qeveria është e gatshme të bëjë atë që duhet".
Mattarella i telefonoi Manfredit për të shprehur afërsinë me popullatën dhe për ta komplimentuar për menaxhimin e urgjencës.
De Luca nga ana tjetër bëri thirrje për një gjendje të jashtëzakonshme.
