Çudi e madhe në Japoni, 79-vjeçari futi fije peri përmes penisit. Mjekët: Akt i rrezikshëm seksual
Nga OraNews Përditësimi i fundit 15 Nëntor 2022, 08:39
Një 79-vjeçari japonez iu nxorr një fije 230 cm e gjatë nga fshikëza e urinës pasi e futi atë përmes penisit të tij, në atë që një mjek e përshkroi si rastin më 'ekstrem' që kishin parë ndonjëherë.
Skanimet tronditëse të publikuara nga mjekët e tij tregojnë se si peri i hollë mbi dy metra ishte mbledhur brenda fshikëzës së të moshuarit.
Kjo e bëri të pamundur për mjekët që ta nxirrnin atë ashtu siç kishte hyrë, kështu që u desh ta prenë fshikëzën e tij për ta nxjerrë atë në mënyrë kirurgjikale.
Burri nuk u tha mjekëve pse kishte futur pe, por vendosja e objekteve përmes penisit është një akt seksual i rrezikshëm.
Mjekët përdorën informacion nga skanimet e detajuara për të krijuar një model kompjuterik 3D të perit të ngatërruar për të përcaktuar metodën më të mirë të heqjes.
Një ekspert në Mbretërinë e Bashkuar tha se ishte një nga rastet më 'ekstreme' të futjes së një objekti në trup nëpërmjet penisit, në 20 vite karrierë.
I moshuari fillimisht ndoqi qendrën mjekësore të universitetit duke u ankuar për dhimbje ose djegie gjatë urinimit, shkruan Daily Mail.
Kur mjekët panë fshikëzën e tij duke përdorur një skanim me ultratinguj, ata gjetën se "një objekt i madh i shoqëruar me hije akustike" ishte brenda fshikëzës. Një rreze X më pas zbuloi se ky objekt ishte 'një trup i huaj i mbështjellë si tel'.
Burri më pas u detyrua të pranonte te mjekët se kishte futur një pe në uretrën e penisit.
Megjithatë ai nuk e shpjegoi pse kishte ndërmarrë aktin e çuditshëm.
