Bie në furrën me alumin të shkrirë në 720 gradë, djali shpëton mrekullisht
Nga OraNews Përditësimi i fundit 12 Nëntor 2022, 07:35
Një punëtor mbijetoi mrekullisht pasi ra në një kazan me alumin të shkrirë në një fabrikë.
Elektricisti 25-vjeçar ra në një furrë të mbushur me alumin të shkrirë në 720C ndërsa po punonte në fabrikën në St Gallen, në Zvicrën verilindore.
I riu ishte zhytur në metalin e shkrirë deri në gjunjë, por arriti të përballonte dhimbjen dhe të tërhiqej nga furra.
Ai kishte qenë duke punuar me një koleg në furrën që mbante aluminin mbrëmjen e së mërkurës.
Dy mjekë zviceranë të shpëtimit ajror urgjent dhe ndihmës mjekë i erdhën në ndihmë në fabrikë.
Më pas ai u dërgua me helikopter në spital me djegie të mëdha.
Policia e qytetit St Gallen po heton se si ndodhi aksidenti.
Nuk është hera e parë që ndodh një aksident në një fabrikë.
Në fillim të këtij viti, një kompani paketimi u deklarua fajtore për shkeljen e rregulloreve të shëndetit dhe sigurisë pasi një i moshuar preu dorën në një aksident industrial.
Christopher Wright, 59 vjeç, u dërgua në spital bashkë me dorën e prerë që iu rilidh gjatë një operacioni 11 orësh, shkruan Daily Mail.
