E tmerrshme, babai përdhunon për 5 vite vajzën e tij të mitur, e fotografonte nudo
Nga Ora News Përditësimi i fundit 4 Tetor 2022, 08:33
Një 40-vjeçar nga Bangladeshi, është akuzuar se ka përdhunuar vajzën e tij 12-vjeçare për pesë vjet.
Familja jetonte në Agios Panteleimonas, Athinë, ndërsa dhuna kishte nisur që në moshën 7 vjeçare për të miturën.
Ferri që përjetonte fëmija që në moshën 7-vjeçare u zbulua kur nëna vendosi të denonconte burrin në Polici për dhunë në familje.
Një ditë pas padisë së gruas nga Gjeorgjia, vajza vendosi të "thyejë" heshtjen.
12-vjeçarja i ka rrëfyer nënës së saj se kur ishte 7 vjeç, babai i saj filloi ta “ngacmonte” dhe ta fotografonte nudo.
Në fakt, sa herë që ajo reagonte ndaj sjelljes së tij vulgare, 40-vjeçari e rrihte, e shante dhe e kërcënonte se do ta lëndonte nëse do të fliste për atë që po përjetonte.
12-vjeçarja së bashku me nënën e saj shkuan në Departamentin e të Miturve dhe denoncuan përdhunimin. Babai i saj 40-vjeçar, megjithatë, nuk u ndal me kaq dhe një ditë më vonë shkoi në shtëpinë e tyre dhe në gjendje të tërbuar tentoi të hynte.
E ëma kishte frikë se mos i bënte keq dhe për pasojë lajmëroi policinë, kur 40-vjeçari kuptoi se autoritetet ishin njoftuar, u zhduk.
Menjëherë pas kësaj, ata arritën të gjejnë vendin ku fshihej 40 vjeçari dhe e arrestuan, shkruan Protothema.
