Brazili në udhëkryq, qendrat e votimit të hapura
Nga OraNews Përditësimi i fundit 2 Tetor 2022, 16:58
Në Brazil po mbahen votimet, ku përveç Presidentit të ardhshëm të Republikës (39/muaj), do të zgjidhen edhe deputetë federalë dhe shtetërorë, senatorë dhe guvernatorë të 26 shteteve dhe të distriktit të Brasilias, për mbi 29,200 kandidatë.
Sistemi është ai maxhoritar: për t'u zgjedhur kandidati duhet të marrë më shumë se 50% të totalit të votave.
Për të shmangur "rrezikun e dhunës politike", Gjykata e Lartë ka ndaluar mbajtjen e armëve dhe 500,000 njësi të policisë po punojnë për të garantuar sigurinë në të gjithë vendin.
Ndër risitë e këtyre zgjedhjeve është edhe unifikimi i orareve të votimit në të gjithë vendin. Sipas Tribunalit të Lartë Zgjedhor (TSE), për herë të parë të gjitha qendrat e votimit do të jenë të hapura nga ora 8 deri në orën 17, sipas orarit të Brasilias, me llogaritjen e rezultateve duke filluar nga ora 17 dhe pritet para orës 20.
Këto janë zgjedhjet e nënta të përgjithshme në vend që mbahen që nga fundi i diktaturës ushtarake.
