“Provokimet ruse nuk trembin SHBA,”Biden: Aleatët gati të mbrojnë çdo cm të NATO-s
Nga Ora News Përditësimi i fundit 1 Tetor 2022, 11:11
Amerika është e përgatitur përballë çdo kërcënimi nga Rusia , garanton presidenti Biden i cili iu drejtua me një mesazh të posacëm kërcënimeve të presidentit Putin për përdorim të armëve bërthamore pas aneksimit të 4 rajoneve ukrainase.
Presidenti amerikan Joe Biden ka paralajmëruar Rusinë se Shtetet e Bashkuara nuk do të frikësohen nga kërcënimet e Vladimir Putin pasi ai aneksoi katër rajone të zaptuara të Ukrainës.
Deklarata e shefit të Shtëpisë së Bardhë vjen pasi shefi i Kremlinit se ka bërë një kërcënim të fshehtë për të përdorur armë bërthamore në mbrojte te territoreve te reja.
Presidenti Biden tha se Putin "nuk do të trembë Shtetet e bashkuara". "Amerika dhe aleatët e saj nuk do të frikësohen," tha Presidenti amerikan.
Në një fjalim nga Shtëpia e Bardhë, ai iu drejtua drejtpërdrejt presidentit rus, duke drejtuar gishtin në kamera.
"Amerika është plotësisht e përgatitur, me aleatët tanë të NATO-s, për të mbrojtur çdo centimetër të territorit të NATO-s," tha ai, duke iu referuar bllokut perëndimor të sigurisë.
“Zoti Putin, mos e keqkuptoni atë që po them: çdo centimetër”, përsëriti Presideti Biden.
Menjëherë pas kësaj, zyrtari më i lartë i sigurimit kombëtar amerikan tha se ndërsa ekzistonte mundësia që Moska të përdorte armë bërthamore, nuk dukej të kishte një kërcënim të afërt.
Ndërkohë Sekretari i Përgjithshëm i NATO-s, Jens Stoltenberg e quajti aneksimin "përshkallëzimin më serioz që nga fillimi i luftës".
Anëtarët e aleancës "nuk e njohin dhe nuk do të njohin" asnjë nga territoret e aneksuar si pjesë e Rusisë, u tha Stoltenberg gazetarëve, duke e akuzuar Putinin për "tronditje të papërgjegjshme bërthamore".
Ai e quajti aneksimin një "moment kyç" në luftë.
Presidentja e Komisionit të BE-së, Ursula von der Leyen tha se "aneksimi i paligjshëm i shpallur nga Putin nuk do të ndryshojë asgjë".
“Të gjitha territoret e pushtuara ilegalisht nga pushtuesit rusë janë tokë ukrainase dhe do të jenë gjithmonë pjesë e këtij kombi sovran," tha ajo.
