Kërcënimi i Putinit: Rusia do të përdorë "të gjitha mjetet në dispozicion" për të mbrojtur rajonet e aneksuara
Nga OraNews Përditësimi i fundit 30 Shtator 2022, 15:32
Presidenti rus Vladimir Putin nisi procesin e aneksimit të pjesëve të Ukrainës duke thënë se ai do të nënshkruante ligje për t'i absorbuar ato pavarësisht dënimit ndërkombëtar dhe për të mbrojtur rajonet e reja të inkorporuara tha se do të përdorë "të gjitha mjetet në dispozicion".
Në një fjalim që i parapriu një ceremonie të nënshkrimit të traktatit për t'i bërë katër rajone të Ukrainës pjesë të Rusisë, Putin paralajmëroi se vendi i tij nuk do të hiqte kurrë dorë nga zonat e pushtuara dhe do t'i mbronte ato si pjesë e territorit të tij sovran.
Ai i kërkoi Ukrainës të ulet për bisedime për t'i dhënë fund luftimeve, por paralajmëroi ashpër se Rusia nuk do të dorëzonte kurrë kontrollin e rajoneve Donetsk, Luhansk, Kherson dhe Zaporizhzhia.
Ai akuzoi Perëndimin për nxitjen e armiqësive si pjesë e planit të tij për ta kthyer Rusinë në një "koloni" dhe një "turma skllevërish".
Ceremonia vjen tre ditë pas përfundimit të "referendumeve" të organizuara nga Kremlini për bashkimin me Rusinë, të cilat u hodhën poshtë nga Kievi dhe Perëndimi si një grabitje e territoreve nën kërcënimin e armëve dhe bazuar në gënjeshtra.
Ceremonia në sallën e pasur të Kremlinit, me ngjyrë të bardhë e të artë të Shën Gjergjit u organizua që Putini dhe krerët e katër rajoneve të Ukrainës të nënshkruanin traktate për zonat që t'i bashkohen Rusisë, në një përshkallëzim të mprehtë të konfliktit shtatë mujor.
