Kurti: Mirëpres riafirmimin e liberalizimit të vizave për Kosovën nga “Trekëndëshi i Vajmarit”
Nga OraNews Përditësimi i fundit 16 Shtator 2022, 23:03
Kryeministri i Kosovës, Albin Kurti, thotë se mirëpret deklaratën e përbashkët të Francës, Gjermanisë dhe Polonisë,
Franca, Gjermania dhe Polonia bënë thirrje për progres në lidhje me liberalizimin e vizave për Kosovën dhe përkushtimin ndaj Procesit të Berlinit.
“Ne jemi të shqetësuar për krizën politike në Bosnje dhe Hercegovinë dhe u bëjmë thirrje të gjitha palëve të sigurojnë zgjedhje të drejta dhe të lira më 2 tetor 2022. Ne mbështesim plotësisht BE- në-udhëhoqi dialogun Kosovë-Serbi dhe theksoi nevojën për një marrëveshje gjithëpërfshirëse që i mundëson Kosovës dhe Serbisë të avancojnë në rrugët e tyre respektive evropiane dhe të kontribuojnë në stabilitetin në rajon. Ne bëjmë thirrje për progres në lidhje me liberalizimin e vizave për Kosovën. Vendet tona janë të përkushtuara fuqishëm ndaj Procesit të Berlinit si një mjet shtesë për të nxitur bashkëpunimin rajonal dhe anëtarësimin në BE të vendeve të Ballkanit Perëndimor.”
Kurti përmes në një postim në Twitter, shkruan se mirëpret riafirmimin e liberalizimit të vizave për Kosovën, përkushtimin e qartë për zgjerimin e BE-së, Procesin e Berlinit dhe Tregun e Përbashkët Rajonal nga ministrat për Çështje Evropiane të Trekëndëshit të Vajmarit..
“Mirëpres riafirmimin e liberalizimit të vizave për Kosovën, përkushtimin e qartë për zgjerimin e BE-së, Procesin e Berlinit dhe Tregun e Përbashkët Rajonal nga ministrat për Çështje Evropiane të Trekëndëshit të Vajmarit. Pres me padurim vizitën e tyre të përbashkët”, shkruan Kurti.
