VIDEO/ E rëndë, i riu bie pa ndjenja pasi u godit në fyt nga demi, e shpëton mjeku spektator

Nga Ora News Përditësimi i fundit 9 Gusht 2022, 14:57

Një i ri është shpëtuar për fat nga goditjet fatale që mori gjatë ndeshjes me dema në Spanjë.

Në video tregohet momenti i tmerrshëm kur i riu spanjoll plagoset rëndë gjatë një festival vjetor, pasi u godit në qafë dhe sulmua egërsisht nga demi.

37-vjeçari, Jose Ramon Bronte Les, pati gjakderdhje dhe u duk sikur humbi jetën në vend pasi ra në gjunjë i gjakosur dhe i pafuqishëm për të vrapuar.

Vetëm pasi kafsha ndaloi sulmin për pak, ai u transportua në një vend të sigurt.

I riu u shpëtua nga një kirurg kardiovaskular italian, i cili ishte me pushime dhe rastisi të ishte mes spektatorëve që po ndiqnin ngjarjen.

Mjeku kreu operacionin urgjent në vendngjarje dhe ishte në gjendje të frenonte hemorragjinë përpara se i plagosuri të dërgohej me urgjencë në spital.

Ngjarja ndodhi të dielën në mbrëmje, në qytetin Arguedas, në veri të Spanjës, raporton DailyMail.