Spanjë/ Sofistikohet kontrabanda e drogës, policia kap 3 dronë nënujorë me ngarkesë deri 200 kg secili
Nga OraNews Përditësimi i fundit 5 Korrik 2022, 11:15
Policia spanjolle ka sekuestruar tre dronë nënujorë të ndërtuar për të trafikuar drogë përmes detit nga Maroku.
Nëndetëset pa pilot me sa duket janë në gjendje të mbajnë deri në 200 kg ngarkesë.
Në kuadër të hetimeve 14 mujore, tetë persona janë arrestuar në Cadiz, Malaga dhe Barcelonë.
Policia thotë se kjo do të thotë se ata kanë shkatërruar një bandë të dyshuar për ndërtimin e automjeteve dhe furnizimin e tyre për kontrabandistët e drogës në të gjithë Evropën.
Policia spanjolle thotë se është hera e parë që zbulon një mjet nënujor që mund të operohet pa pilot.
"Këto pajisje mund të lejojnë trafikantët e drogës të transportojnë sasi të mëdha narkotike nga distanca nëpër ngushticën e Gjibraltarit," tha policia në një deklaratë.
Ngushtica e Gjibraltarit është rripi i ngushtë i detit që ndan Marokun nga Spanja.
Një nga nëndetëset u ndërtua plotësisht dhe dy të tjera ishin ende në ndërtim. Besohet se ato që po ndërtoheshin do t'i dorëzoheshin një bande franceze për kontrabandë kokaine.
Zyrtarët konfiskuan gjithashtu 14 kg hashash, 8 kg marihuanë, më shumë se 157,300 € para cash dhe gjashtë dronë të mëdhenj ajror.
Të armatosur me sisteme navigimi GPS, automjetet potencialisht mund të operohen nga trafikantë droge nga kudo në botë duke përdorur një pajisje interneti aq të thjeshtë sa një tabletë.
Mes të arrestuarve ishin babë e bir, njëri prej të cilëve sipas policisë ishte një pilot i kualifikuar helikopteri, i cili kishte njohuritë teknike të nevojshme për të ndërtuar automjete të tilla të sofistikuara.
Zyrtarët pretenduan se banda ishte e specializuar në ndërtimin e një game të gjerë automjetesh ajrore, tokësore dhe detare të destinuara posaçërisht për transportin e drogës dhe i akuzuan ata për furnizimin me pajisje për organizata kriminale në Danimarkë, Itali, Francë dhe Spanjë.
Sipas agjencisë së lajmeve, hetuesit zbuluan 13 lloje të ndryshme automjetesh - duke përfshirë rimorkio me "funde të dyfishta" të fshehura të afta për të mbajtur deri në 800 kg ngarkesë.
