Greqia përfshihet nga zjarret masive, disa fshatra rrezikohen të përpihen nga flakët
Nga OraNews Përditësimi i fundit 4 Korrik 2022, 08:57
Mbi 130 zjarrfikës me katër grupe divizionesh këmbësorie dhe rreth 45 automjete po vazhdojnë të luftojnë flakët në Ilia, për të mbajtur frontin e zjarrit larg zonave të banuara.
Zëvendësguvernatori i Ilias Vasilis Giannopoulos tha se intensiteti i erërave është ulur, gjë që ndihmon punën e zjarrfikësve.
Banorët e fshatrave Valmi, Kotrona, Karagianneika dhe Dalamboreika të cilët kanë marrë mesazh nga 112 për t'u larguar nga shtëpitë e tyre, po përjetojnë momente ankthi me shpresën se zjarri nuk do të arrijë në banesat e tyre.
Ndërkohë, me dritën e parë të ditës pritet që edhe mjetet ajrore të nisin hedhjen e ujit, ndërsa sipas hartës së parashikimit të rrezikut nga zjarri të hënën më 4 korrik, njësia rajonale Ilia është në kategorinë me rrezikshmëri shumë të lartë.
