Insuficienca kardiake/ “Verquvo” ilaçi më i ri që mbron zemrën tani edhe në Shqipëri
Nga Ora News Përditësimi i fundit 4 Korrik 2022, 08:12
Rastet me insuficiencë kardiake janë shtuar vitet e fundit në Shqipëri. Për t`ju ardhur në ndihmë pacientëve që vuajnë nga kjo sëmundje në vendin tonë ka mbërritur “Verquvo” një medikament i ri prodhuar nga kompania gjermane Bayer Pharma.
Incidenca e sëmundjeve të zemrës është shtuar edhe më shumë pas pandemisë. Në të gjithë botën këto sëmundje kanë 3 herë më shumë të prekur se tumoret, çka kërkon rritje të masave parandaluese dhe trajtimit mjekësor.
Numri i infarkteve është i lartë jo vetëm prej saj por edhe për shkak të faktorëve të tjerë të riskut si stili i jetesës apo disa sëmundje të tjera të pamjekuara.
Finalja e këtyre sëmundjeve është ajo që quhet insuficienca kardiake.
Sipas mjekëve sa më shumë dëmtohet muskuli i zemrës aq më shumë shtohet insuficenca kardiake.
Ata shprehen se numri i rasteve është shtuar.
Por për t`i ardhur në ndihmë pacientëve me insuficiencë kardiake të avancuar, një medicament i ri prodhuar nga kompania gjermane Bayer Pharma vjen tashmë edhe në Shqipëri, madje më shpejt se në shumë vende të tjera europiane.
Verquvo është emri i medikamentit që mbron zemrën duke mbajtur nën kontroll insuficencën kardiake.
Mjekët e tjerë kardiologë të pranishëm gjatë prezantimit të Verquvos referuan gjithashtu mbi avantazhet e këtij medikamenti si dhe shifra e raste studimore mbi problematikën e insuficiencës kardiake.
