Vesi i keq që kërcënon ata që punojnë me orë të gjata

Nga OraNews Përditësimi i fundit 30 Qershor 2022, 22:47

Zelli i tepërt për punë gjithashtu rrit dëshirat për alkool, sipas një studimi të fundit nga Organizata Botërore e Shëndetësisë

Sipas gjetjeve përkatëse të publikuara në Safety and Health at Work, orët jashtë orarit dhe varësia nga puna rrisin konsumin e alkoolit.

Ekipi shqyrtoi të dhënat nga 14 studime me afërsisht 105,000 pjesëmarrës dhe arriti në përfundimin se, krahasuar me 35-40 orë punë në javë:

-41-48 orë shoqëroheshin me 10,4 g më shumë alkool të pastër në javë , pra rreth 250 ml birrë ose një gotë verë.

-49-54 orë shoqëroheshin me 17,7 g më shumë alkool në javë , e barabartë me gjysmë litri birrë të lehta ose një gotë të madhe verë.

Studiuesit e OBSH-së raportojnë se konsumimi i alkoolit vepron si një shpërblim pas një jave të lodhshme dhe shprehu shqetësimin për numrin e madh të familjeve që shtyhen të punojnë jashtë orarit ose të gjejnë një punë të dytë për të përballuar koston në rritje të jetesës.

                               " Ne e dimë se alkooli redukton stresin ," tha Lode Godderis, një profesor dhe anëtar i ekipit kërkimor në Universitetin Katolik të Leuven në Belgjikë .

 “Një gotë ju ndihmon të relaksoheni dhe, pas një jave të gjatë dhe të lodhshme, ndjeni se duhet t'i bëni një dhuratë vetes "- tha ai.

Studimi është projekti më i fundit për të nxjerrë në pah lidhjen mes orëve të punës dhe konsumimit të alkoolit. Studimet e mëparshme kishin arritur në përfundimin se më shumë se 48 orë punë në javë shoqërohen me rritje të konsumit të tepërt të alkoolit, megjithatë lidhja nuk u konfirmua nga hulumtimi i OBSH-së.

Sipas studimit, është më mirë të “ndash” konsumin e alkoolit gjatë javës dhe të mos kufizohet në një ditë

Një gotë verë çdo natë të javës është e preferueshme se shtatë pije në natë, pasi pothuajse eliminon rrezikun e alkoolizmit, sipas një studimi të Universitetit të Teksasit, i cili mori në studim 1000 amerikanë.