Ish-deputeti britanik burgoset për sulm seksual ndaj një djali adoleshent
Nga OraNews Përditësimi i fundit 23 Maj 2022, 17:27
Imran Ahmad Khan, politikan britanik që shërbeu si deputet për Wakefield nga zgjedhjet e përgjithshme të vitit 2019 deri në 2022 është dënuar me 18 muaj burg pas akuzës ndaj tij për sulm seksual ndaj një djali 15-vjeçar.
48 vjeçari, Imran Ahmad Khan, u shpall fajtor për përkëdheljen e një djali në një festë në vitin 2008.
Khan u përjashtua nga partia konservatore pas dënimit të tij dhe më vonë u largua si deputet . Gjykatësi tha se ai nuk pranoi që Khan të kishte "ndonjë pendim" për atë që kishte bërë.
Duke dhënë dënimin në Gjykatën e Kurorës Southwark, gjyqtari Jeremy Baker tha se viktima ishte "e prekur thellësisht nga ana psikologjike" nga veprimet e Khan.
Juria në gjyqin e Khan dëgjoi se ai e kishte detyruar djalin të pinte xhin në festën në Staffordshire, më pas e tërhoqi zvarrë lart dhe i kërkoi të shikonte pornografi përpara se ta sulmonte.
Viktima, tani 29 vjeç, i tha gjykatës se ndihej "i frikësuar, i prekshëm, i mpirë, i shokuar dhe i befasuar" pas veprimeve të Khan.
Në atë kohë u bë një denoncim i policisë, por nuk u ndërmor asnjë veprim i mëtejshëm sepse i riu nuk donte të bënte një denoncim zyrtar.
Sidoqoftë, viktima vendosi të paraqesë një ankesë pasi Khan fitoi vendin e Wakefield në zgjedhjet e përgjithshme të dhjetorit 2019.
