Putin dhe Lukashenko thonë se sanksionet e Perëndimit kanë nxitur vetë-zhvillimin ekonomik të tyre
Nga OraNews Përditësimi i fundit 23 Maj 2022, 17:04
Presidenti rus Vladimir Putin tha me shaka sot se duhet të flasë seriozisht me liderët perëndimorë për pretendimet e tyre se ai ishte përgjegjës për kaosin ekonomik të shkaktuar nga konflikti në Ukrainë dhe sanksionet shkatërruese të vendosura nga Perëndimi.
Mijëra janë vrarë dhe 14 milionë janë zhvendosur që nga pushtimi rus i Ukrainës, dhe përpjekjet perëndimore për të izoluar Rusinë dhe bllokuar portet e Ukrainës në Detin e Zi kanë çuar në një rritje të çmimeve të naftës, gazit natyror, drithërave, vajrave të gatimit dhe plehrave.
Në një takim televiziv me presidentin bjellorus, Alexander Lukashenko sot në Soçi, Putin tha se ekonomia ruse po ecën mirë pavarësisht sanksioneve perëndimore.
Lukashenko tha se sanksionet i kishin shtyrë të dyja vendet të fokusoheshin në zhvillimin e tyre dhe se elitat perëndimore po mashtronin veten për shkaqet e problemeve të tyre financiare.
"Për ekonominë, ne ua detyrojmë atyre (në Perëndim) që na dhanë një nxitje të tillë për rritjen tonë," i tha Lukashenko Putinit, i cili buzëqeshi dhe pohoi me kokë.
“Kjo që po ndodh atje është se vërtet e kanë nënvlerësuar, duke lexuar mediat e tyre. Ata kanë inflacion, por e vërteta e tyre është se "Putini është përgjegjës", "Putini është fajtor për gjithçka," vazhdoi Lukashenko.
Putini shtrëngoi buzët dhe pohoi me kokë.
“Do të bëjmë një diskutim serioz me ta”, tha ai duke buzëqeshur.
Lukashenko qeshi dhe tha "Po".
