Dyshohet se plagosi një person me thikë, arrestohet 43-vjeçari shqiptar në Itali
Nga OraNews Përditësimi i fundit 23 Maj 2022, 16:53
Një shqiptar është arrestuar ditën e sotme në Itali, pasi akuzohet për plagosje me thikë.
Sipas mediave italiane, 43-vjeçar shqiptar, emri i të cilit nuk bëhet me dije, u arrestua nga agjentët e Komisariatit të Termolit në Itali, pasi dyshohet se ka sulmuar një person me thikë duke i shkaktuar dëmtime në krah.
Për shqiptarin është vendosur masa e sigurisë arrest në shtëpi ndërsa rasti po hetohet nga prokuroria lokale për të zbardhur shkaqet e plota të ngjarjes.
