I mori jetën djalit 3-vjeçar të partneres duke e rrahur për javë të tëra, dënohet 32-vjeçari dhe e ëma që heshti

Nga OraNews Përditësimi i fundit 13 Prill 2022, 08:27

Një 32-vjeçar u shpall fajtor për vrasjen e djalit tre vjeçar të partneres së tij, pasi i kishte shkaktuar më shumë se 20 fraktura në brinjë gjatë rrahjes për disa javë me radhë.

Nathaniel Pope  e la Kemarni Watson Darby me lëndime të krahasueshme me një aksident me makinë ose rënie nga lartësia.

Nëna e Kemarnit, Alicia Watson, u dënua për shkaktimin ose lejimin e vdekjes së djalit të saj në banesën e saj në West Bromwich.

Watson dhe Pope u shpallën gjithashtu fajtorë për akuzat për mizori ndaj fëmijëve në Gjykatën e Kurorës së Birminghamit.

Disa anëtarë të jurisë ishin në lot ndërsa vendimet u lexuan pas gjyqit 20-javor.

Gjyqtarja Justice Tipples gjithashtu u emocionua teksa urdhëroi që paneli i jurisë të shkarkohej përgjithmonë nga shërbimi për shkak të "natyrës së tmerrshme të fakteve" që ata duhej të merrnin parasysh.

Kemarni, i cili njihej si një trevjeçar i zhurmshëm, energjik dhe i gëzuar, ishte viktimë e asaj që në gjykatë u cilësua si një "sulm brutal".

Juristët dëgjuan se ishte një nga disa sulmet që djali kishte pësuar ndërsa jetonte me nënën e tij Watson, 30 vjeç dhe partnerin e saj Pope, 32 vjeç, në banesën në West Bromwich.

Trupi i Kemarnit kishte 34 zona të veçanta të lëndimeve të jashtme të cilat vepruan si "dëshmitar i heshtur" i krimeve, u tha në gjykatë.

Dyshja u përpoqën ta kalonin këtë si aksidentale dhe Watson i tha policisë se ai ishte një "djalë i zhurmshëm" i cili "gjithmonë ndeshej me gjëra".

Jurive iu shfaq një fotografi e Kemarnit me një dëmtim në syrin e tij të djathtë, si dhe një fotografi që e tregonte atë duke ngrënë pranë një tufë flokësh të tij, të cilat Watson pretendoi se i kishte prerë.

Prokurorët thanë se ata e godisnin qëllimisht djalin në bark, për të shmangur ekspozimin në zona të dukshme të trupit të tij.

Prokurori Tony Badenoch QC tha: "Është trupi i Kemarnit që foli më me zë të lartë, me më shumë qartësi, në këtë sallë gjyqi. Trupi i tij i shtrydhur, i rrahur dhe i pajetë, i uritur nga oksigjeni nuk mund të gënjejë."

3-vjeçari vdiq pasditen e 5 qershorit 2018 pasi i ishte deformuar kafazi i kraharorit.