Përse fëmijët? Qytetarët e revoltuar ndaj 60 vjeçarit që vrau 4 pjesëtarët e familjes Kloçi
Nga OraNews Përditësimi i fundit 7 Mars 2022, 12:45
Përse fëmijët? Një turmë qytetarësh të indinjuar u mblodhën jashtë prokurorisë në pritje të vrasësit 60-vjeçar grek të familjes shqiptare Kloçi.
Të dielën, i shoqëruar nga forca të shumta policore burri ka arritur për të dëshmuar në prokurori.
Me vështirësi është mbajtur larg turma e indinjuar e qytetarëve që thërrisnin “vrasës”, “monstër” ndërsa dëgjohej vazhdimisht pyetja “përse fëmijët?”; “si munde të vrasësh fëmijët?”
Sipas policisë greke, 60-vjeçari pohoi vrasjen me armë të çiftit Kloçi po nuk mbante mend çfarë ndodhi më pas dhe si veproi me dy fëmijët e mitur.
Në fund të dëshmisë për krimin pranoi krimin duke u shprehur se “Nuk ka falje për këtë që bëra”.
Ndërkaq procedura do të vijojë të martën, 8 mars, kur monstra e Greqisë do të paraqitet sërish në prokurori.
Ngjarja ndodhi mbrëmjen e 2 marsit Armando dhe Eklaida Kloçi, së bashku me dy fëmijët e tyre të mitur u gjetën të vrarë në Andravida, Ilias të Greqis.
Sipas policisë, trupat e shqiptarit nga Lushnja, Armando dhe gruas së tij Maria, u gjetën në një rimorkio në depon e shtëpisë, ndërsa në trup kishin plagë të shkaktuara nga armë zjarri. Ndërkohë që arma e zjarrit ende nuk është gjetur. Po ashtu bëhet e ditur se fëmija 3-vjeçar është gjetur i pajetë në dyshemenë e magazinës, ngjitur me rimorkion dhe 2-vjeçari u gjet i vdekur brenda në banesë.
Media greke, duke iu referuar grupit hetimor, raportuan se autori mesa duket ka pasur për qëllim zhdukjen e trupave, por nuk ka arritur të përfundojë planin e tij pasi duket se diçka e ka trembur dhe ka ikur, ndoshta edhe hyrja në banesë e djalit të madh 12-vjeçar të familjes.
