E gjitha nisi nga Facebook-u/ Historia frymëzuese e dashurisë e Elonës dhe Tomit
Nga OraNews Përditësimi i fundit 14 Shkurt 2022, 10:15
Dikush e njeh dashurinë e jetës në shkollë, dikush në punë, një tjetër në kafe, apo edhe në rrjete sociale. Elona dhe Tomi i përkasin kategorisë së çifteve që janë njohur nëpërmjet Facebook në vitin 2009.
Një dashuri që i ka rezistuar viteve, pasi çifti tashmë të martuar janë prindër të 2 një vajze dhe një djali
Në një intervistë në studion e "Ditë e Re" në RTV Ora, Elona Bakiu, arkitekte në profesion, thotë se ishte Tomi ai që bëri hapin e parë për njohjen e tre.
Tomi i dërgoi ftesë i pari në Facebook, po ashtu edhe mesazhin e parë.
Çifti thotë se u deshën të flisnin një vit reshtë në rrjetin social Facebook, për ta takuar njëri-tjetrin nga afër.
Tomi Kallanxhi, IT, tregon se e kuptoi që në takimin e parë që Elona kishte pëlqim për atë.
Ai pranon se për ta takuar Elonën në fillimet e njohjes, krijonte rastësitë dhe në këtë mënyrë ai e takonte atë.
Elona Bakiu: Jemi njohur në vitin 2009 në facebook. Friend request (ftesën për tu bërë miq) e bëri Tomi. Kisha shumë ftesa dhe në fillim nuk e kisha parë. Por ai e hoqi ftesën, e bëri prapë dhe unë e pranova, asi më erdhi njoftimi he e pashë. Një vit rresht më shkruante "hi". Unë vetëm prisja mesazhe nga ai.
Tomi Kallanxhi: Normalisht që unë e çova mesazhin e parë "Hi". Unë krijoja rastësinë për tu takuar me të.
Takimi i parë i çiftit
Elona: Ishte shumë e sikletshme. Më pëlqeu që ishte natyral. Po më rikthehen emocionet e para teksa e mendoj.
Tomi:Pata impresion shumë pozitiv dhe e kuptova që dhe ajo më pëlqeu. Që nga ai moment nuk i shkruajta për disa ditë për t'i tërhequr vëmendjen. I shkruajta pas 5 ditësh. Puthja e parë ka ndodhur shumë rastësisht, shumë ngadaltë.
