Merr flakë në lëvizje, shkrumbohet mjeti te rrethrrotullimi i Selitës
Nga OraNews Përditësimi i fundit 14 Shkurt 2022, 08:08
Një automjet është përfshirë nga flakët mëngjesin e sotëm. Ngjarja ka ndodhur rreth orës 07:45, te rrethrrotullimi në Selitë.
"Një automjet ka marrë flakë në lëvizje e sipër dhe është djegur plotësisht, mjeti me drejtues shtetasin M. B., dhe si pasojë ka vetëm dëme materiale" njofton policia.
Paraprakisht dyshohet se zjarri ka rënë si pasojë e një defekti në mjet.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
