Vrasja në Shkodër, Ora News siguron pamjet e para nga vendngjarja
Nga OraNews Përditësimi i fundit 13 Shkurt 2022, 19:45
Ora News, ka siguruar pamjet e para nga vendi i ngjarjes ku u vra me armë zjarri pasditen e sotme Prek Tonaj.
Ngjarja ndodhi në fshatin Grudë të Shkodrës rreth orës 19:15 në rrethana ende të paqarta.
Siç shihet në video ne vendngjarje ka forca të shumta policie të cilët kanë rrethuar zonën dhe po merren me hetimin e ngjarjes.
Policia ka rrethuar lokalin ku ka ndodhur krimi.
Policia bën me dije se ngjarja ka ndodhur në ambientet e një lokali ndërkohë që në vendngjarje ndodhet policia dhe grupi hetimor.
Foto nga vendi i ngjarjes
Më datë 13.02.2022, rreth orës 19:15, në fshatin Grudë e Re, Shkodër, në rrethana ende të paqarta, në ambientet e një lokali, është vrarë me armë zjarri shtetasi P. T., 47 vjeç, banues në Grudë, Shkodër.
Në vendngjarje kanë shkuar menjëherë shërbimet e Policisë dhe grupi hetimor.
Janë ngritur pika kontrolli dhe vijon krehja e zonës, për të bërë të mundur kapjen e autorit/ëve.
