Këngëtarja mohon akuzat për pedofili ndaj Michael Jackson
Nga Besmira Pelushaj Përditësimi i fundit 31 Janar 2022, 13:32
Dokumentari i shumëpritur për jetën personale dhe karrierën muzikore të Janet Jackson është pritur me shume interes, pasi ajo ka rrëfyer disa nga momentet më të diskutueshme të jetës së saj. Fituesja e çmimit “Grammy” foli për marrëdhënien me vëllain e saj të ndjerë, Michael Jackson.
Ajo tha se kur u bënë publike akuzat kundër yllit të "Thriller" për një marrëdhënie “të papërshtatshme” që ai dyshohet se kishte me një djalë 13-vjeçar, ajo tha se humbi një marrëveshje fitimprurëse me kompaninë Coca-Cola.
"Vëllai im nuk do ta bënte kurrë diçka të tillë, por ai ishte viktimë e shoqërisë," tha Xhenet.
Ajo shtoi se edhe pse vëllai i saj bëri një marrëveshje monetare me familjen e djalit, kjo nuk do të thoshte një pranim faji.
"Ai thjesht donte që çështja të mbyllej, por (pagesa) bëri të dukej sikur ishte fajtor," tha ajo.
Jackson foli për incidentin e vitit 2004, në të cilin Justin Timberlake hoqi një pjesë të pjesës veshjes së saj në fund të performancës së tyre në Super Boël, duke ekspozuar gjoksin e saj. Jackson tha se ajo përjetoi reagime jo vetëm nga fansat, por edhe profesionalisht.
"Sinqerisht, e gjithë kjo gjë e tejkaloi masën. Sigurisht, ishte një aksident. Kjo nuk duhej të kishte ndodhur, por të gjithë po kërkojnë dikë për të fajësuar dhe kjo duhet të ndalet. Justin dhe unë jemi miq shumë të mirë, dhe ne do të jemi gjithmonë miq shumë të mirë."
Pjesa e parë e dokumentarit "Janet Jackson" u shfaq premierë të premten mbrëma. Të dyja pjesët mbulojnë karrierën e saj prej dekadash, duke u rritur me vëllezërit e saj teksa fituan famë në “The Jackson Five” dhe dinamikën e ndërlikuar të familjes me babain e saj Joe Jackson si menaxherin e saj, dhe fakti që u bë nënë vonë në jetë.
