Aktori i njohur ndërron jetë në dhomën e hotelit
Nga OraNews Përditësimi i fundit 10 Janar 2022, 10:44
Aktori dhe humoristi i njohur amerikan, Bob Saget, ka ndërruar jetë papritur në moshën 65-vjeçare, ka njoftuar familja e tij.
Aktori u gjet pa shenja jete nga stafi në dhomën e tij në hotelin Ritz-Carlton në Orlando, Florida të dielën e 9 janarit. Lajmin e trishtë e ka konfirmuar familja e tij në një deklaratë për CNN.
“Ne jemi të dëshpëruar të konfirmojmë se Bob-i ynë i dashur ndërroi jetë sot”, është shprehur familja e aktorit.
Shkaku i vdekjes nuk është përcaktuar ende. Megjithatë autoritetet kanë përjashtuar mundësinë e përdorimit të drogës apo të ndonjë substance tjetër.
Saget, një stand-up komedi, sapo kishte filluar një tur të ri komedi në të gjithë SHBA-në. Të sjtunën e 8 janarit ai performoi në qytetin e Jacksonville, Florida.
