Video/ Katastrofë natyrore, mbi 70 viktima nga tornado më vdekjeprurës ne historinë e SHBA
Nga OraNews Përditësimi i fundit 11 Dhjetor 2021, 17:57
SHBA është goditur nga një tornado i fuqishëm në pjesën juglindore të vendit, që prej ditës së djeshme, 10 dhjetor.
Guvernatori i shtetit amerikan të Kentakit, ka njoftuar se më shumë se 70 njerëz kanë humbur jetën nga tornado vdekjeprurës.
Guvernatori tha se shifrat mund të rriten e të shkojnë në më shumë se 100 viktima, duke e cilësuar tornadon si nga më të rerzikshmit në historinë e vendit.
Si rrjedhojë autoritetet e shpallën Kentakin në gjendje të jashtëzakonshme.
Ndërkohë, presidenti i SHBA, Joe Biden shkroi në Twitter se ai ishte informuar për tornadot të shtunën në mëngjes.
"Të humbasësh një të dashur në një stuhi si kjo është një tragjedi e paimagjinueshme," tha ai. "Ne po punojmë me guvernatorët për t'u siguruar që ata të kenë çdo gjë që u nevojitet, ndërsa kërkimi për të mbijetuarit dhe vlerësimet e dëmeve vazhdojnë."
