Liban/ Shpërthim i fuqishëm në një kamp palestinez, dyshohet për disa të vdekur (VIDEO)

Nga OraNews Përditësimi i fundit 10 Dhjetor 2021, 22:44

Një shpërthim i fuqishëm ka tronditur një kamp refugjatësh palestinezë në qytetin e Tiros në jug të Libanit, ku dyshohet se kanë mbetur të vdekur disa persona.

Sipas mediave të huaja, shpërthimi ndodhi në një depo armësh që i përket grupit militant palestinez Hamas.

Ndërkohë në pamjet që janë publikuar në rrjetet sociale shihet zjarri i madh që ka përfshirë kampin ndërsa shtëllunga të mëdha tymi shpërthejnë mbi qytet.

Sakaq deri më tani nuk dihen detaje të mëtejshme, ndërsa nuk dihet numri i viktimave apo i të plagosurve.

Zona përreth është evakuar ndërsa ekipet e shpëtimit dhe ambulanca ka shkuar në vendngjarje.