109 vjetori i Pavarësisë festohet edhe në Luginën e Preshevës, flamuri kuq e zi vendoset në ndërtesa
Nga OraNews Përditësimi i fundit 28 Nëntor 2021, 19:52
Festa e 109-vjetorit të Pavarësisë së Shqipërisë është festuar edhe në Luginën e Preshevës.
Siç shihet në disa foto të publikuar nga mediat vendase, përvjetorit të pavarësisë, flamuj kuq e zi janë vendosur sot në ndërtesën e Komunës dhe Këshillit Kombëtar të Shqiptarëve në Bujanoc.
Siç shihet, flamurin shqiptar në ballkonin mbi hyrjen e administratës komunale ka vënë kryetari Nagip Arifi, ndërsa kjo është duartrokitur nga këshilltarët e shumicës shqiptare në Kuvend.
Ditën e sotme është festuar 109 vjetori i Pavarësisë së Shqipërisë, ku në Vlorë u mbajt ceremonia e ngritjes së flamurit, ku nuk munguan kreu i shteti, Ilir Meta, Kryeministri Edi Rama dhe politikanë të tjerë.
Festa e 109-vjetorit, ka sjellë në Vlorë qytetarë nga Kosova dhe të huaj.
