Burri hip në podium e godet me shpullë Guvernatorin iranian gjatë fjalimit publik, Shikoni sherrin
Nga OraNews Përditësimi i fundit 25 Tetor 2021, 07:27
Guvernatori i ri i një province veriperëndimore iraniane u godit me shuplakë në fytyrë nga një burrë i zemëruar gjatë kohës që ishte duke mbajtur një fjalim.
Motivi i sulmit mbetet i paqartë. Guvernatori i ri, gjeneral brigade Abedin Khorram, ndodhej në podium në kryeqytetin krahinor të Tabrizit kur burri doli nga skena dhe e gjuajti.
U deshën disa sekonda para se forcat e sigurisë me rroba civile të arrinin tek ai. Ata e tërhoqën zvarrë burrin nga një derë anësore, duke rrëzuar një perde.
Pamjet e mëvonshme treguan Khorram duke u kthyer në skenë për të folur me turmën e shqetësuar.
“Unë nuk e njoh atë," tha ai.
Incidenti vjen në mes të zemërimit në Iran për situatën e pasigurt ekonomike.
