Fotolajm/ Me çadra nëpër duar, parada e deputetëve e ministrave për në Kuvend
Nga OraNews Përditësimi i fundit 7 Tetor 2021, 14:34
Sot është duke u zhvilluar seanca parlamentare në Kuvendin e Shqipërisë. Edhe ketë herë deputetë e ministra bënë "paradë mode" në ambientet jashtë Kuvendit.
Me kostume zyrtare e me çadra nëpër duar, në rast shiu deputetët u mblodhën sot në Parlamentin e Shqipërisë.
Sigurisht nuk munguan debatet dhe ngacmimet midis tyre.
Kreu i Partisë Demokratike, Lulzim Basha në një replikë për kryeministrin Rama, e cilësoi këtë të fundit si "rrenacak me certifikatë 24 karat" për mos-mbajtjen e premtimeve për sa i përket ndërtimit të shkollave.
Kryefjala e parlamentit sot ishte thirrja e qytetarëve për t vaksinuar si edhe debatet dhe konfliktet mes opozitës dhe mazhorancës për menaxhimin e pandemisë dhe fushatës së vaksinimit.
Nënkryetarja e Partisë Demokratike, Grida Duma, zgjodhi vargjet e poezisë "Në vendin tim e në vendin tënd: të shkrimtarit dhe ish-deputetit të ndjerë Dritëro Agolli, për të përshkruar situatën të cilën po kalon vendi nën drejtimin e kryeministrit Rama.
