Diego Zelka tenori që sjell dritë nga zëri i tij
Nga OraNews Përditësimi i fundit 6 Tetor 2021, 20:08
Ishte ende foshnje kur humbi shikimin. Lindi shtatanik dhe pakujdesia e mjekëve bëri që Diego Zelka të mos e shihte më dritën e diellit. Mbështetja dhe dashuria e familjes ishin frymëzimi në rrugëtimin e tij.
Sot ai është 20 vjeç një këngëtar operistik me një zë të mrekullueshëm i cili ndjek aktualisht Universitetin e Arte për kanto.
Diego ka përshkruar një rrugë të vështirë por ia ka dalë. Talenti i tij spikat që në vogëli. Ishte vetëm 6 vjeç kur bëri koncertin e tij të parë e kur nisi këtë rrugëtim të bukur. Më pas filloi studimet për piano ne shkollën 9- vjeçare “Ramazan Kabashi”.
Për të vazhduar me pas Liceun Artistik “Jordan Misja” e tashmë ëndrra e tij po finalizohet në “Universitetin e Arteve”.
Të shumta janë koncertet që ky tenor ka organizuar. Diego rrëfeu në studio se nuk u mposht kurrë por gjeti dritën tek pasioni për muzikën.
