Skandali në Itali/ Prifti vjedh lekët e kishës për të organizuar festa orgji me drogë e alkool
Nga OraNews Përditësimi i fundit 23 Shtator 2021, 15:08
Francesco Spagnesi, një prift në një Kishë në Castellina, Itali , u arrestua nga policia të martën e kaluar me akuzën e përdorimit të donacioneve nga besimtarët për të organizuar festë orgji me drogë e alkool.
Prifti 40-vjeçar ndodhet nën arrest shtëpie nën akuzat e trafikut ndërkombëtar të drogës.
Spagnesi, i cili njihet në famullinë e tij për fjalimet frymëzuese ndaj besimtarëve, u arrestua pasi policia raportoi se shoku i tij i dhomës kishte importuar një litër GHB (e njohur si drogë përdhunimi) nga Holanda.
Dy burrat dyshohet se kanë përdorur faqe online takimesh për të ftuar vizitorët në shtëpinë e tyre, ku kanë përdorur dhe shitur drogë.
Ndërsa ka një akuzë kundër tij për përvetësim të parave të kishës, pasi besohet se ka marrë rreth 100 mijë euro nga famullia e tij.
"Liturgjia Hyjnore ka mbaruar, largohuni në paqe dhe kontribuoni, ju lutemi, me donacionet tuaja, në prosperitetin e famullisë", u thoshte shpesh Spagnesi besimtarëve.
Vlerësohet se deri në 200 persona kanë marrë pjesë në orgji të tilla.
Muajt e fundit, besimtarët kishin vënë re një ndryshim në sjelljen e priftit.
"Ai ishte nervoz, i turpshëm dhe absolut, ai nuk donte të bënte pagëzime, bashkime hyjnore apo dasma," tha një besimtar.
"Unë kisha vënë re se ai vuante fizikisht dhe psikologjikisht, por askush nuk e imagjinonte që ai kishte probleme me varësinë ndaj drogës," tha Peshkopi Nerbini në një deklaratë.
