Kërkohet tualeti i artë/ Vepra e artit e 5 milion $ u grabit dy vjet më parë në Britaninë e Madhe
Nga OraNews Përditësimi i fundit 14 Shtator 2021, 18:55
Ende asnjë gjurmë nga “tualeti i artë”, vepra prej 5 milion dollarësh që u grabit nga ambientet e muzeut “Blenim Palas” në Britaninë e Madhe në vitin 2016. I quajtur ndryshe “Amerika”, tualeti prej ari 18 karat dyshohet se është shitur në tregun e zi. Siguruesit e veprës ofrojnë shpërblim deri në 100,000 $ për këdo që jep informacion për grabitësit.
Dy vjet pas grabitjes, ende nuk ka asnjë shenjë nga tualeti i artë, vepra e artit e grabitur nga ambientet e muzeut “Blenim Palas” në Britaninë e Madhe në vitin 2016. I quajtur ndryshe “Amerika”, tualeti prej ari 18 karat vlerësohet në shumën e 5 milionë dollarëve. Siguruesit e veprës kanë është ofruar një shpërblim deri në 100,000 $ për këdo që jep informacion për grabitësit, raporton Ora News.
Drejtori i Kompanisë së Sigurimeve, Philip Austin tha: "Askush nuk ka dalë ende për paratë e shpërblimit ... Fillimisht kishte shumë kërkime, por tani gjithçka është qetësuar."
Ndërsa policia e “Thames Valley” konfirmoi se shtatë të arrestuarit ishin liruar dhe se hetimet vazhdojnë. Më herët në 2019, detektivi Charley Hill hodhi dyshimin se tualeti ishte copëtuar dhe më pas ari është shkrirë e shitur në tregun e zi.
Më 14 shtator të dy viteve më parë, një bandë hyri në shtëpinë madhështore të shekullit të 18 -të dhe shkaktoi "dëme të mëdha e përmbytje" sepse tualeti ishte funksional në ndërtesë. Vepra është në pronësi të një individi privat dhe ishte pjesë e një ekspozite të artistit konceptual italian Maurizio Cattelan, para se të grabitej. Në 2016, kur u ekspozua në muzeun Gugenim të New York, vizitorët në të arritën një rekord absolut, rreth 100 mijë persona, raporton Ora News.
