Rekord vdekjesh nga virusi në Kosovë që prej fillimit të pandemisë, 36 viktima dhe 1.630 raste të reja
Nga OraNews Përditësimi i fundit 29 Gusht 2021, 15:02
Autoritetet në Kosovë raportuan të dielën për 36 viktima nga koronavirusi. Ky është numri më i lartë i viktimave, që prej fillimit të pandemisë në mars të vitit 2020.
Sipas raportit ditor në 24 orët paraprake janë regjistruar 1.630 raste të reja.
Rastet e reja dalin pas testimit të 11.458 mostrave në laboratorët shtetërorë dhe privatë.
Gjatë kësaj periudhe janë shëruar 816 pacientë dhe numri i përgjithshëm i të shëruarve ka arritur në 113.699.
Raste aktive me koronaviurs janë 26.575. /REL/
