Aeroporti i Kabulit rihapet një ditë pas skenave kaotike: Situata më e qetë
Nga OraNews Përditësimi i fundit 17 Gusht 2021, 08:35
Fluturimet ushtarake që evakuojnë diplomatët dhe civilët kanë rifilluar në aeroportin ndërkombëtar të Kabulit, një ditë pas skenave kaotike në aeroport.
Të hënën, dhjetëra mijëra afganë u fotografuan në aeroport duke u përpjekur të iknin, duke u kapur dëshpërimisht në aeroplanët që fluturonin jashtë kryeqytetit.
Pesë persona humbën jetën, megjithëse nuk është e qartë nëse ata u qëlluan apo u shtypën gjatë rrëmujës në aeroport.
Sot, megjithatë, zyrtarët thonë se është një situatë shumë më e qetë.
"Shumë njerëz që ishin këtu dje kanë shkuar në shtëpi," tha një zyrtar i sigurisë perëndimore për Reuters.
Sidoqoftë, Reuters citon dëshmitarë që thonë se të shtëna të herëpashershme ende mund të dëgjohen nga drejtimi i aeroportit. Fluturimet u pezulluan gjatë ditës së hënë, 16 gusht.
Aeroporti është aktualisht pika e vetme e daljes e hapur për forcat perëndimore nga Afganistani.
