Babai ju nda nga jeta, Kadri Veseli vizitë 2 orëshe në familje

Nga OraNews Përditësimi i fundit 10 Korrik 2021, 22:32

Kadri Veseli është lejuar të jetë pranë familjes së ngushtë pas rastit të vdekjes së babait të tij vetëm rreth 2 orë.

Bëhet e ditur se atij iu është lejuar vetëm vizita në familjen e ngushtë por jo edhe tek të papranishmit në tendën e vendosur, ku qytetarë nga e tërë Kosova po shkojnë për ngushëllime.

Më pas eskorta me vetura të EULEX-i dhe Policisë së Kosovës, janë larguar bashkë me Veselin. Ndërkohë, ende nuk është bërë e ditur nëse ai do të qëndrojnë më shumë në Kosovë, apo do të udhëtojë për në Hagë, ku ende vazhdo të jetë në paraburgim.

Babai i Kadri Veselit, Fazli Veseli, ka vdekur në moshën 94 vjeçare të mërkurën, por në ceremoninë  e varrimit nuk ishte i pranishëm djali i tij i vogël [Kadri Veseli]. Ky i fundit iu kishte thënë familjarëve që ceremonia të vazhdojë edhe pa praninë e tij.

Ish-kryetari i PDK-së dhe i Kuvendit të Kosovës kishte ardhur në Kosovë edhe në muajin maj, me leje të veçantë nga Dhomat e Specializuara të Kosovës, për ta vizituar babain e tij, atëherë në gjendje të rënduar shëndetësore, që ishte i shtrirë në Spitalin e Mitrovicës.