Video/ Shembja e ndërtesës në Miami, shpërthehet pjesa e mbetur e pallatit 12-katësh
Nga OraNews Përditësimi i fundit 5 Korrik 2021, 07:40
Pjesa e mbetur e një blloku apartamenti pjesërisht të shembur në Miami është shkatërruar për shkak të frikës së sigurisë ndërsa një stuhi tropikale po afrohet në Florida.
Një pjesë e bllokut 12-katësh u shemb në 24 qershor. 24 persona kanë vdekur dhe 121 janë akoma të zhdukur.
Struktura e paqëndrueshme e mbetur, u shkatërrua në mënyrë që skuadrat e kërkimit të mund të rifillonin në mënyrë të sigurt.
Përpjekjet për të pastruar rrënojat për gjetjen e viktimave pas shembjes fillestare u pezulluan përpara shkatërrimit të planifikuar.
Asnjë i mbijetuar nuk është gjetur nën rrënojat në vendin në Surfside që nga orët e para pas shembjes së strukturës.
Operacioni i rrënimit u mor pas shqetësimeve të ngrituta në lidhje me stuhinë Tropikale Elsa, e cila mund të mbërrijë në Florida të martën.
Të Dielën, 4 korrik kryetari i Bashkisë Charles Burkett tha se ekziston rreziku që erërat e forta mund të sjellin mbeturina të tjera dhe të rrezikojnë jetën e ekipeve të kërkimit.
Rrënojat ekzistuese, ndërkohë, u mbuluan me një pëlhurë e gomuar për ta mbrojtur atë nga çdo pluhur ose mbeturina të shkaktuara nga shembja.
Përpara shembjes, Kryebashkiakja e Qarkut Miami-Dade Daniella Levine Cava këshilloi banorët e afërt të qëndrojnë brenda dhe të mbyllin dritaret e tyre deri të paktën dy orë pasi të ishte përfunduar.
Ajo tha se operacioni, i cili përfshinte vendosjen e eksplozivëve strategjikisht në vrima të shpuara, ishte "kritik për të zgjeruar fushën e kërkimit - veçanërisht në zonën më afër ndërtesës".
