Itali/ Emigrantët shqiptarë kërkojnë nënshkrimin e marrëveshjes për njohjen e pensioneve
Nga Alba Kepi Përditësimi i fundit 26 Qershor 2021, 11:06
Në Bari, Firenze dhe Torino, emigrantët shqiptarë i janë bashkuar manifestimit të grupeve sindikaliste italiane e kërkojnë nënshkrimin e marrëveshjes së të drejtës së pensioneve mes Italisë e Shqipërisë.
Protesta sot është organizuar nga shoqata Diaspora 91-99.
"Punojmë si çdo punëtor italian e kërkojmë të njëjta të drejta. Paguajmë kontribute sociale shtetit italian e kërkojmë të drejtën tonë të marrjes së pensionit e njohjen e viteve të punës si në Shqipëri e më Itali" janë kërkesat e tyre.
Manifestuesit shqiptarë mbajnë simbolet kombëtare për të tërhequr vëmendjen e autoriteteve e grupeve sindikaliate për të mbështetur kauzën e tyre.
