Nga një goditje çdo ditë, Kukësi përforcon edhe sulmin
Nga OraNews Përditësimi i fundit 25 Qershor 2021, 12:49
Si gjithmonë, është bërë traditë që Kukësi çdo fundsezoni largon pothuajse të gjithë skuadrën, ose më saktë lojtarët largohen dhe vera shërben për të plotësuar nga e para skuadrën. Pas shumë largimeve, ekipi verilindor prej ditësh po njofton afrime, pothuajse nga një për çdo ditë.
Sot ishte radha e afrimit të një tjetër sulmuesi, lojtar malazez me origjinë shqiptare dhe bëhet fjalë për Alija Krniç i cili më parë ka luajtur me Decic Tuz, Almudevar e Iskra. Siç njoftoi klubi 23-vjeçari nënshkroi një kontratë 2-vjeçare me ekipin verilindor.
Poll
“✅WELCOME ALIJA KRNIĆ????
✍???? Futboll Klub Kukesi njofton se sulmuesi i djathte Alija Krnić eshte zyrtarisht futbollist i skuadres sone! Futbollisti malazez me origjine shqiptare ka firmosur me klubin nje kontrate dy vjecare, duke u bere keshtu futbollisti me i ri ne skuader.
⚽️ Krnić vjen te Kukesi nga kampionati serb ku sezonin e fundit ka qene pjese e skuadres se Javor Matis ne Superlige. Ne te kaluaren, ai ka qene pjese e ekipeve si Decic Tuz, Almudevar e Iskra.
???????? Klubi i Kukësit i uron shumë suksese sulmuesit Krnić me fanellen e ekipit tone????????
Skeda e Lojtarit:
Emri: Alija Krnić
Mosha: 23 vjeç
Kombësia: Malazez
Gjatësia: 1.75 m
Pozicioni: Sulmues i djathte, sulmues i dyte
Klubet e mëparshme: Decic Tuz, Almudevar, Iskra, Javor Matis”, thuhet në komunikatën e Kukësit.
Më parë, verilindorët kanë siguruar edhe shërbimet e mbrojtësit Edison Ndreca, mesfushorit Klejdi Daci dhe sulmuesit tjetër Edi Besa.
