Dyshohet se vrau të dashurën e tij dhe u përpoq ta shesë makinën me kufomën brenda, burg për 31-vjeçarin
Nga OraNews Përditësimi i fundit 17 Qershor 2021, 22:54
Një burrë nga Tenesi, SHBA, është akuzuar për vrasje pasi dyshohet se mbyti të dashurën e tij dhe më pas tentoi të shiste automjetin me trupin e saj në sediljen e pasme, sipas autoriteteve.
Detektivi i vrasjeve në Departamentin e Policisë Metropolitane Nashville akuzoi 31-vjeçarin Robert Miquel Johnson për vrasjen e të dashurës së tij.
Trupi i saj u gjet në një zonë të vogël parkimi në Pennington Bend Road në mbikalimin Briley Parkway.
Paz ishte një nënë e vetme me katër fëmijë, njoftoi WKRN.
Vajza 18-vjeçare e Paz, Kendall Smith tha: "Vëllezërit e mi, motra ime nuk e meritojnë këtë, unë nuk e meritoj këtë."
"Unë jam jashtëzakonisht e zemëruar. Nuk e kuptoj pse dikush do të donte t'ia bënte këtë mamit tim. Ajo gjithmonë kishte një zemër të mirë, dëshironte më të mirën për të gjithë."
Johnson u arrestua fillimisht më 7 maj pasi u kërkua për t'u marrë në pyetje, njoftoi WKRN .
Në atë kohë, ai "u intervistua dhe dha një alibi, e cila më pas u provua se ishte e rreme."
Pasi Johnson u soll sërish për t’u marrë në pyetje, detektivët pyetën një dëshmitar i cili pretendoi se e pa atë duke u përpjekur të bënte shitjen e makinës.
Johnson aktualisht është prapa hekurave për akuza që nuk kanë të bëjnë me këtë çështje në Wilson County, por pritet të ekstradohet në Nashville, shkruan foxnews.
