"Flatrat e Veriut drejt Zyrihut dhe Stambollit"/ Rama ndan çmimet e fluturimeve: Nga 15 korriku 1 euro plus për taksat
Nga OraNews Përditësimi i fundit 11 Qershor 2021, 16:30
Kryeministri Edi Rama, nëpërmjet një postimi në rrjetet sociale, u ka kthyer përgjigje zërave kritikë, se Aeroporti i Kukësit ishte vetëm për fushatën elektorale.
Rama bën me dije se nga 15 korriku Aeroporti i Kukësit 'Flatrat e Veriut' do të nisë fluturimet me Zvicrën dhe Turqinë, teksa ka nxjerrë dhe çmimet e biletave për linjat Kukës- Zyrih dhe anasjelltas, si dhe për në Stamboll.
Postimi i plotë:
Se ç'ishin ca miq që thoshin Aeroporti Ndërkombëtar i Kukësit ishte sa për fushatë, po unë s'bëj asgjë sa për fushatë dhe çfarë bëj e them e çfarë them e bëj, kështu që bujrum me Air Albanian në portën e hapur të qiellit të Kukësit
Po nuk mbaron me kaq, lajme të tjera nga ky front së shpejti.
*** 1€ + taksat domethënë:
Kukës - Zyrih 12 EUR,
Zyrih - Kukës 28.66 EUR,
Kukës - Stamboll 12 EUR,
Stamboll - Kukës 23 EUR.
