(Foto) 10 kopshtet më të bukura në botë
Nga OraNews Përditësimi i fundit 25 Maj 2021, 07:28
Për shumë kultura, kopshtaria është një nga format më të rëndësishme të artit. Në të vërtetë, shumë kopshte unike në të gjithë botën janë rezultat i bukurisë dhe harmonisë së pakrahasueshme natyrore, si dhe frymëzimit të veçantë të njerëzve pas peizazhit të tyre.
Independent ka përpiluar një listë të kopshteve më të bukura në botë .
1. Kopshte Botanike Mbretërore të Kyos, Londër
Ka mbi 50.000 bimë në këtë zonë dhe ndodhet në pjesën jugperëndimore të Londrës.
2. Kopshtet Botanike, Singapor
Kopshtet Botanike ishin kopshtet e para te Trashëgimisë Botërore të UNESCO-s në Singapor dhe datojnë që nga viti 1859.
3. Kenrokuen, Kanazawa, Japoni
Kanazawa është një qytet me 500,000 banorë që ndodhet në bregun perëndimor të Japonisë, vetëm dy orë e gjysmë me tren nga Tokio. Kenrokuen, i cili ishte kopshti i kalasë së qytetit, është i famshëm në të gjithë Japoninë , pasi konsiderohet si një nga kopshtet më të bukura në vend.
4. Kopshtet Butchart, Victoria, Kanada
Kopshtet Butchart në Ishullin Vancouver marrin emrin nga Jennie Butchart, gruaja e një manjati kanadez i cili porositi një dizajner japonez për të hartuar projektin e tij.
5. Keukenhof, Hollandë
Sot mund të vizitojmë Keukenhof vetëm përmes fotove dhe videove , por - në rrethana normale - vizitorët dynden çdo ditë në atraksionin midis Amsterdamit dhe Hagës, i cili konsiderohet si një nga kopshtet më të mëdha dhe më të bukura të luleve në botë.
6. Jardim Botanico, Rio de Janeiro
Jardim Botanico ka rreth 7,000 specie bimësh nga Brazili dhe jashtë saj dhe u themelua në 1808 nga Mbreti Portugez Joao VI.
7. Kopshtet Botanike Brooklyn, New York
Është hapur 111 vite më parë. Kopshtet njihen për qershitë e tyre, të cilat ishte një dhuratë nga qeveria japoneze dhe u mboll pas Luftës së Parë Botërore.
8. Kopshti Botanik Kombëtar Kirstenbosch, Kejptaun
Kopshtet u hapën në 1913, megjithëse bujqësia dhe mbjellja e pemëve dhe bimëve filloi në zonë nga evropianët në shekullin e 17-të.
9. Kopshte Botanike Mbretërore, Sidnei, Australi
Hapur në 1816, Kopshtet Botanike Mbretërore janë ndër më të rëndësishmet në botë dhe një nga "vitrinat" kryesore për speciet lokale të florës Australiane.
10. Kopshti Botanik i Shkretëtirës, Feniks, SHBA
Hapur nga Shoqëria Arizona Cactus dhe 'Native Flora Shoqëria' pak para Luftës së Dytë Botërore, Kopshti Botanik Phoenix është shtëpia e më shumë se 50,000 bimëve, një e treta e të cilave i përkasin florës lokale.
