Ambasadorja e Suedisë nga Shkodra: Fenomeni i shitblerjes së votës, shqetësues. Merrni pjesë në zgjedhje
Nga OraNews Përditësimi i fundit 9 Prill 2021, 10:42
Pas ambasadores së SHBA Yuri Kim, ka qenë rradha e asaj të Suedisë Elsa Hastad që të vizitonte Shkodrën, rreth dy javë nga zgjedhjet parlamentare të 25 Prillit.
Diplomatja foli për rolin e zgjedhjeve në demokraci, ndërsa ftoi qytetarët për pjesëmarrje masive në kutitë e votimit, raporton Ora News.
Ambasadorja Suedeze: E vlerësoj demokracinë. Jemi këtu në Paçram për të marrë këndvështrimin dhe perceptimin e njerëzve në lidhje me procesin zgjedhor. Nuk flasim për shitblerjen e votës në takime por për pjesëmarrjen e komunitetin në procesin zgjedhor.
Sipas diplomates suedeze, shit-blerja e votës është një fenomen shqetësues.
Ambasadorja suedeze: Është shqetësuese fenomeni i shitblerjes së votës. Duhet të keni kujdes sepse stadi në të cilin demokracia ndodhet është shumë e brishtë.
Kemi të gjithë një rol por më të rëndësishmin qytetarët. Shteti duhet tu sigurojë qytetarëve një proces zgjedhor të mirëfilltë.
Më tej, ajo shtoi: "Nuk dua të komentoj përfshirjen e kandidatëve me të shkuar kriminale në zgjedhje".
