Shirat shkaktojnë përmbytje masive në bregun lindor të Australisë
Nga OraNews Përditësimi i fundit 20 Mars 2021, 12:26
Pamjet apokaliptike vijnë nga Austarlia e cila po përballet me përmbytje masive që rrezikojnë jetën e qindra mijëra njerëzve.
Deri tani janë regjistruar një numër i konsiderueshëm dëmesh në banesa, rrëzimin e pemëve por edhe mbytjen e kafshëve të shumta.
Përmbytjet vijnë pasi bregdeti lindor i Australisë është përballur me reshje të dendura shiu
Mediet botërore raportojnë se uji i vërshimeve u fut nëpër shtëpi, bllokoi rrugë dhe e ndërpreu energjinë elektrike.
Ndërkohë në Sydney, autoritetet u bënë thirrje banorëve që të qëndrojnë në shtëpi, sepse një digë e madhe është mbushur dhe uji ka filluar të dalë jashtë saj si dhe një tornado i vogël e goditi pjesën periferike perëndimore.
Mësohet se në shumicën e bregdetit të rajonit të Uellsit të Ri Jugor, ku banon rreth një e treta e popullsisë 25-milionëshe e Australisë, tashmë është shënuar rekord i reshjeve të shiut për muajin mars. Autoritetet kanë paralajmëruar se reshjet mund të vazhdojnë edhe disa ditë, shkruan Reuters.
