E tmerrshme/ Militantët islamikë masakrojnë fëmijët duke ja prere kokën
Nga OraNews Përditësimi i fundit 16 Mars 2021, 13:50
Fëmijët po bien pre të masakrave nga militantë islamikë në Afrikë.
Organizata "Save the Children", që promovon të drejtat e fëmijëve, njoftoi se personat nga 11 vjeç e sipër po ekzekutohen me prerje koke në shtetin juglindor të Mozambikut.
Krimet po kryhen në provincën e varfër dhe me shumicë myslimane të Kabo-Delgados.
Konflikti në zonë ka lënë mbi 2,600 të vrarë dhe sulmet në fshatra vetëm sa janë përshkallëzuar në muajt e fundit.
Zona bastiset herë pas herë nga grupi xhihadist, al-Shabab dhe mbështetës të Shtetit Islamik.
Qëllimi është vendosja e një qeverie islamike dhe shfrytëzimi i burimeve të pasura të zonës, kryesisht minerale dhe gurë të çmuar.
Që prej vitit 2017, kur nisi dhuna në Mozambik, qeveria ka kryer disa operacione kundër militantëve, por autoritetet e kanë të vështirë gjurmimin për shkak të fshehjes së tyre mes pyjeve të dendura.
